Sámebloggen

Ja de, dál mun čálán vuosttas háve sámegillii mu bloggii! Mun ohcen Googles sániin čále! ja gávdnen moatte bloga sámegillii. Ledjen hui ilus dás. Mu bloggahan lea álo leamaš suomagillii jo dánge dihte ahte stuorrámus oassi mu lohkiin ii ipmirdivčče maidege jos mun álo dáikkášin deike sámegillii.

Mun galggašin čállit Blogger Awarda birra, muhto in velge nágot. Dán beaivve fádda leage čállin! Mun liikon oalle bures čállit vaiko manlagan teavsttaid, ovd. noveallaid ja divttaid. Muhto go lean ná čuorbi, in jolge čájehit jur maidege earáide. Mu nieguin mun dagan máilmmi buorre divttaid ja máhtán muhttit mu jurdagat girjin. Livččii biro fiidna dovdu váldit hilddus iežan girji! Dahje lohkat bláđis árvvoštallama girjji birra. Dahje...

Vai oahppašii čállit galgá ČÁLLIT. Fuoi, mannan jagi mun čállen máŋggalot siidu heajos baikačállosiid, maid in leat duostán geasage, in oba Sunnai čájehit. In muital fáttaitge didjiide, muđuid heahpanivččen iežan vuolimus ávžái.

nanowrimo.com

Duon mun geahčalin mannan jagi, inge lihkastuvvan ollásit. Čállen ž-kvalitehta muitalusa eahkedis nubbái. Ja dan jagi áiggun fas váldit oasi. Oassálastibehket, buorit olbmot! Eanemus oassi oasseváldiin dahká dan eŋgelasgillii, muhto mun áiggun iskat sámegillii:D Ja jos bures geavvá, de mun dagan bloga mu čállosii ja dii oažžubehtet lohkat!

Cummáid ja kráá kráá, vuoražas dadjá giitu.